الفطير المشلتت :
يعد الفطير المشلتت من الأكلات الشعبية القديمة المستحبة عند الشعب المصرى يعتبر الفطير المشلتت من أهم الأطباق المصريّة، حيث من الممكن تقديمه كطبق إفطار مع القشدة والجبنة، أو من الممكن تحليته بالعسل وتقديمه كطبق تحلية، ويمتاز الفطير المشلتت بطبقات العجين الورقيّة والرقيقة التي تُكسبه قواماً هشّا ..
طريقة إعداد الفطير المشلتت في المنزل
المكوّنات :
1 كيلو دقيق .
شويه ملح .
ماء للعجن .
سمن .
زيت .
طريقة التحضير :
الخطوات
10 دقيقة
قومى بنخل الدقيق ووضعة فى طبق غويط بس ياريت يكون نوع الدقيق ممتاز المخصص لعمل المعجانات مثل الفطير يعنى دقيق بيعمل عرق نحط عليه شويه ملح صفيرين بس علشان الطعم .
ثم قومى بوضع الماء واحده واحده وقومى بالعجن حتى تصبح العجينه طريه وما بتلزقش واتركيها لترتاح فى طبق مرشوش بالدقيق حوالى ساعه.
بعد ذلك قطعيها كور حسب حجم الفطيره المطلوبه يعنى لو فطيره صغيره تبقى كوره متوسطه ولو اكبر يبقى عجين اكتر وبعد ذلك رشى على الرخامه دقيق وقومى بفردها الاول بالنشابه لحد ما تبقى دايره رفيعه .
نبتدى الفرد بالايد وتشد من كل جانب بالراحة ومن النص نمط فى العجينه لحد اما تبقى شفافه .
قومى بتجهيز طاسه بها السمنه والزيت على بعض وتكون السمنه سايحه.
قومى برش الدائره يعنى على وش العجينه وهى مفروده ووزعى عليها السمنه مع الزيت بعدذلك قومى بتطبقها بالنصف ورشى تانى على الوجه الذى قومتى بتطببقه تانى .
بعد ذلك قومى بتطبيق قطعة قطعة مع اضافة السمن المخلوط بالزيت يعنى من كل جنب نطبق بالنصف لحد اما تبقى مستطيله ومع كل تطبيق نحط السمنه وبعد ذلك نلف المستطيل ده رول بعد ما ندهنه وندخل الطرف الأول فى الطرف الاخير واجعليها مثل الكوره .
اعملى كل العجين بنفس الطريقه واتركية يستريح تانى حوالى ربع ساعه.
قومى بتسخين الفرن بس على أقل درجه حراره حتى يتم تسويته كويس من جوه .
قومى بدهن صينيه مستديرة بالسمنه والزيت وضعى الفطيره داخل الصنية وقومى بفردها بيدك حتى تملئ الصنية حتى تصبح دايره الفطيره وما نخلهاش رفيعه .
ادخليها الفرن على الصاج من تحت وقومى بالمتابعه حتى تصبح لونها ذهبى من الوجه اللى تحت نقوم قلبنها على الوجه التانى تاخد نفس اللون وبعد ذلك قومى باخراجها من الفرن واعملى باقى الفطير بنفس الطريقة .
